Inuunermi torrattumik puigunaatsorserusuppit?
Qanoq pinertutiginerlutit misilittarusuppiuk?
- taava aqumiunngorniartut sungiusarfiannut Georg Stage ilaajumallutit qinnuteqarit.

Aqumiunngorniartut sungiusarfiat Georg Stage aamma 2010-mi inunnut arfinilinnut Nunatsinneersunut inissanik immikkoortitsisimavoq.

Umiartornerup iluani ilinniagaqarnissamut soqutiginnikkuit Georg Stage aallartiffissatsialaavoq.

Kommandør G. de Lichtenbergs Fond-ip siulersuisui maannakkut qinnuteqaatinik katersipput ukiumoortumillu angalanissamut ilaasussat februarip aallartinnerani toqqassaavaat.

Sumut ukiumoortumik angalasoqassanersoq uani alakkarteruk.

Georg Stage-mi ilinniartut
Umiarsuaq ilinniartunut 63-inut inissaqarpoq. Amerlanerpaat qallunaajupput, nunap ilaanit sumit tamaanngaanneersut. Saniatigut aamma Sverige-mit aamma/imaluunniit Norge-mit, Savalimmiunit Ålandillu Qeqertaannit ataasiakkaanik ilinniartoqartarpoq kiisalu arfinilinnik kalaalersaqartarlutik.

Atuaruk...